കടല്‍

കൈക്കുമ്പിളില്‍ ഒരു കടലുണ്ട്
ഊതിയൂതി തിര വിതചിട്ടുണ്ട്
മഞ്ഞയിലും പച്ചയിലും ചുവപ്പിലും
മീനുകളെ വരച്ചിട്ടുണ്ട്
കരയില്‍
പഞ്ചാര മണല്‍ വിതറിയിട്ടുണ്ട്

ഇനി വേണ്ടത്
മുത്തു കോരാനൊരു മുക്കുവനെ
ആദ്യം വല നെയ്യണം.
കൊമ്പന്‍ സ്രാവുണ്ട് കടലില്‍.
പല്ലു കൊണ്ടു മുറിയാത്ത കുടുക്കുകള്‍
വലയില്‍ കെട്ടിയിടണം
വള്ളത്തിനു കീലടിക്കണം

കടലില്‍ രണ്ടു മുത്തുണ്ട്
ഒന്നു നിനക്ക്‌
ഒന്നെനിക്ക്.

വേഗം വേണം.
സ്വപ്നം കാണുന്ന കണ്ണില്‍
വേനല്‍ വന്നാല്‍
കൈവെള്ളയിലെ കടല്‍ വറ്റിപ്പോകും
....................