മൈലാഞ്ചി എഴുതുന്നത്
കൈവെള്ളയുടെ ആഴത്തിലാണ്,
കൈരേഖകളേക്കാള് താഴെ.
അതുകൊണ്ടാണ്
എത്ര മായ്ച്ചാലും മായാത്തത്.
ഒരിക്കല് മൈലഞ്ചിയിട്ടാല്
നേര്ത്ത ചുവപ്പ്
രേഖയില് എഴുതിയ വിധിയെക്കാള്
ആഴത്തില് പതിഞ്ഞു കിടക്കുന്നത്.
മൈലാഞ്ചി ഇടുന്നത് സൂക്ഷിച്ചു വേണം.
മൈലാഞ്ചിക്കുഴമ്പ് കൊണ്ട്
വരയ്ക്കുന്ന ചിത്രങ്ങള് മയ്ക്കാനാവില്ല.
വരയ്ക്കുന്നതിനിടയില് തെറ്റുന്നത്
തെറ്റുകളായി തന്നെ മായാതെ കിടക്കും.
ഒന്നുകൂടി,
ആദ്യം മുതല് തുടങ്ങാമെന്ന് വെച്ചാല്
ആദ്യം വരച്ചത് വീണ്ടും വരയ്ക്കുന്നതിനെ
അലങ്കോലമാക്കും
മൈലാഞ്ചി ഇടുന്നത് സൂക്ഷിച്ചു വേണം.
മൈലാഞ്ചി നിങ്ങളുടെ ജീവിതത്തില്
ആഴത്തില് പടരും.
.....
Tuesday, April 17, 2012
Subscribe to:
Post Comments (Atom)
No comments:
Post a Comment